දරුවන් අන්තවාදී ම්ලේච්ඡයන්ගෙන් බේරා ගැනීමට තිස්‌සමහාරාම මාගම ළමා ආරක්‌ෂක පදනම ඉදිරිපත් වෙයි


පිට පළාත්වලින් අනාථ දරුවන් රැගෙන විත්
ළමා නිවාස නමින් නොයෙක්‌ ව්‍යාපාර සිදු කෙරෙනවා

දේවාලේගම ධම්මසේන නාහිමි

කතරගම – කේ. ඩී. දේවප්‍රිය – තිස්‌සමහාරාම ඒ. ඒ. ප්‍රේමසිරි, කුසුම් ප්‍රියන්ත

තිස්‌සමහාරාමය යනු මුළු රටටම බත සැපයිය හැකි ගමක්‌. තිස්‌සමහාරාමයේ විහාරස්‌ථානවලටත් මාගම්පුරේ ජනයාටත් දරුවන්ටත් අපිට කන්න දෙන්න පුළුවන්. ඒ නිසා බෝගහපැළැස්‌සේ ළමා නිවාසයේ දරුවන්ට රැකවරණය දී අධ්‍යාපනය ලබාදීමට හැකි බව තිස්‌සමහාරාම රාජමහා විහාරාධිපති, හම්බන්තොට මාතර දෙපළාතේ ප්‍රධාන සංඝනායක, තිස්‌සමහාරාම සදගිරිය උභය විහාරාධිපති, ආචාර්ය දේවාලේගම ධම්මසේන හිමියෝ පැවසූහ.

උන්වහන්සේ එසේ පැවැසුවේ තිස්‌සමහාරාම මාගම ළමා ආරක්‌ෂක පදනම පිහිටුවා අදාළ ළමා නිවාසයේ දරුවන් වසර කීපයක සිට විඳින පීඩාවලින් මුදවා ගැනීමේ වැඩසටහනක්‌ දියත් කිරීම සඳහා තිස්‌සමහාරාම රාජ මහා විහාරස්‌ථානයේ පැවැති විශේෂ රැස්‌වීම අමතමින්ය. මෙහිදී තවදුරටත් අදහස්‌ දැක්‌වූ විහාරාධිපති දේවාලේගම ධම්මසේන හිමියන් පැවැසුවේ තිස්‌සමහාරාමයේ ගැටලු විස¹ ගැනීමට විහාරස්‌ථාන හිමිවරුන්ටත් මාගම ජනයාටත් හැකියි. වෙනත් සංවිධාන සංගම් නාවට කමක්‌ නෑ. මේ පිළිබඳව ජනාධිපති මහින්ද රාජපක්‍ෂ මහතා වෙත ද පැමිණිලි කරනවා. තිස්‌සමහාරාමය කතරගම යන පූජනීය ස්‌ථානවලට එන බැතිමතුන් ඉලක්‌ක කර පිට පළාත්වලින් අනාථ දරුවන් රැගෙන විත් ව්‍යාපාරයක්‌ ලෙස මෙවැනි ළමා නිවාස පවත්වාගෙන යනවා. මේවායින් දරුවන්ට මානව දයාව කරුණාව පුරුදු කරනවා වෙනුවට ළමුන් කෲරත්වයට පත්කිරීම පමණක්‌ සිදුකරමින් සත්ව හිංසා කිරීම වැනි දූෂණ ක්‍රියා සිදුකිරීමත්, ගැහැනු දරුවන් අපයෝජනයට ලක්‌ කිරීමත් සිදුවෙමින් පවතිනවා. මෙම ළමා නිවාස පිළිබඳව බලධාරීන්ගේ අවධානය වහා යොමුවිය යුතු බව ආචාර්ය දේවාලේගම ධම්මසේන හිමියෝ පැවැසූහ.

දේශබන්දු ජනරංජන ප්‍රියරත්න බණ්‌ඩාර නීතිඥ මහතා පැවසුවේ රටක අනාගතය දරුවා. ළමා නිවාසයේ හෝ කොතනක හැදුනත් දරුවන්ගේ අයිතිවාසිකම් කඩ කිරීම සිදු නොකළ යුතුයි. ජාතික ළමා ආරක්‌ෂක අධිකාරිය, පරිවාස ආයතන තම යුතුකම් මගහැරලා තියෙනවා. මේ නොදරුවන් ලවා ඝාතන සිදු කිරීම තුළින් මේ අය සමාජයට දමන්නේ අපරාධකරුවන්. ඒ නිසා අපි මෙවැනි ළමා නිවාස තුළ සිදු කරන අපරාධ පිළිබඳව වගකිවයුතු අයගේ අවධානය යොමු කිරීමට ඉදිරියේදි කටයුතු සිදුකරනවා. මෙම විශේෂ අවස්‌ථාවට, ජනමාධ්‍යවේදීන්, තිස්‌සමහාරාම ප්‍රදේශයේ විහාරස්‌ථාන රැසක හිමිවරුන්, නීතිඥයින්, ව්‍යාපාරිකයන්, ශාසන ආරක්‌ෂක බලමණ්‌ඩලයේ සාමාජික මහතුන් ඇතුළු විශාල පිරිසක්‌ එක්‌ව සිටියහ.

http://www.divaina.com/2013/04/01/news16.html

Advertisements

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )