කිතුලට ගිය එකාටත් කියන්න දෙයක් තිබ්බලු, ඉඳුමිණි ලියනගේ ගේ නිදහසට කරුණු හොඳයිද?


තිස්‌ස නිවසේ භාරකාරත්වයෙන්
පාස්‌ටර්ගේ නැගණිය ඉවතට

තුෂාරී කළුබෝවිල, ලලිත් චාමින්ද – ගාල්ල – එස්‌. කේ. කළුආරච්චි

දකුණ පළාත් පරිවාස කොමසාරිස්‌වරිය විසින් තිස්‌සමහාරාම බෝගහපැළැස්‌ස ළමා නිවාසයේ භාරකාරත්වය පෙරේදා (03 වැනිදා) පාස්‌ටර්වරයාගේම නැගණියට පවරනු ලැබූවද ජනතා උද්ඝෝෂණ හේතුවෙන් ඊයේ (04 වැනිදා) යළි එම භාරකාරත්වයෙන් ඉවත් කිරීමට කොමසාරිස්‌වරිය පියවර ගත්තාය.

මෙම දරුවන් සත්ත්ව ඝාතනයට යොදා ගත් බවට චෝදනා ලැබූ පාස්‌ටර්ගේ නැගණියට පැවරුවේ මන්දැයි zදිවයිනZ කළ විමසීමකදී දකුණු පළාත් පරිවාස හා ළමාරක්‍ෂක කොමසාරිස්‌ ඉඳුමිණි ලියනගේ මහත්මිය පැවසුවේ ඇය එම පාස්‌ටර්ගේ නැගණිය බව තමා නොදැන මෙම පැවරීම කළ බවයි.

එම ළමා නිවාසයේ දැනට සිටින දරුවන් හැත්තෑදෙනා එම ළමා නිවාසයෙන් ඉවත් කර ගැනීම සඳහා ඊයේ (04 වැනිදා) තිස්‌සමහාරාම අධිකරණයට මෝසමක්‌ ඉදිරිපත් කළ බැව් දකුණු පළාත් පරිවාස කොමසාරිස්‌ ඉඳුමිණි ලියනගේ මහත්මිය සඳහන් කළාය.

දකුණ පළාත් ආණ්‌ඩුකාර කාර්යාලයේ පැවැති මාධ්‍ය හමුවකදී ඇය මෙසේද කීවාය.

දෙපාර්තමේන්තු පටිපාටියට අනුව තමයි මෙම සිද්ධියෙන් පසු මෙම ළමා නිවාසයේ පාලන මණ්‌ඩලයට දෙදෙනකු පත් කළේ. ඒ අනුව ආනන්ද පියතුමා හා ලාලනී ජයසිංහ යන අය පත් කළා. ළමා නිවාසයේ පාලකවරයාගේ ඥාතීත්වය ගැන සැලකිලිමත් වුණේ නැහැ. ළමුන්ගේ ආරක්‍ෂාව වෙනුවෙන් තාවකාලිකව තමයි මේ කටයුත්ත කළේ. සත්ත්ව ඝාතන සඳහා යොදාගත් දරුවන් දහදෙනා එම ළමා නිවාසයෙන් ඉවත් කිරීමට කටයුතු කළා. දැනට එම ළමුන් හික්‌කඩුව සහතික කළ පාසලට යොමු කොට තිබෙනවා.

ඉතිරි ළමුන් හැත්තෑදෙනා ළමා නිවාසයෙන් ඉවත්කර ගැනීම සඳහා තමයි අධිකරණ නියෝගයක්‌ ලබා ගැනීමට කටයුතු කරන්නේ. ඒ සඳහා මෝසමක්‌ අධිකරණයට ඉදිරිපත් කළා. එම ළමුන් රජයේ ළමා නිවාසවලට ඇතුළත් කිරීමට කටයුතු කරනවා.

මෙම අවස්‌ථාවට දකුණ පළාත් ප්‍රධාන ලේකම් ආර්. එම්. ඩී. බී. මීගස්‌මුල්ල. දකුණ පළාත් පරිවාස සහ ළමාරක්‍ෂක කටයුතු අමාත්‍යාංශයේ ලේකම් සුමිත් අලහකෝන්, ආණ්‌ඩුකාර ලේකම් ලාල් සමරසේකර යන මහත්වරු ද එක්‌ව සිටියහ.

 

http://www.divaina.com/2013/04/05/news08.html

Advertisements

දකුණු පළාත් ළමාරක්‍ෂක කොමසාරිස්‌වරිය දරුවන් කන යකින්නක්ද?


තිස්‌ස ළමා නිවසේ පාලනය පාස්‌ටර්ගේ සොයුරියට
දකුණු පළාත් පරිවාස හා ළමා රක්‌ෂණ කොමසාරිස්‌වරිය
ගත් පියවරට ප්‍රදේශයෙන් දැඩි විරෝධය

දෙබරවැව – ඒ. ඒ. ප්‍රේමසිරි සහ කතරගම – කේ.ඩී. දේවප්‍රිය

තිස්‌සමහාරාම බෝගහපෑලැස්‌ස ළමා නිවාසයේ පාලකයා විසින් එහි දරුවන් සත්ත්ව ඝාතනයට යොදා ගැනීම සම්බන්ධයෙන් උද්ගතව ඇති තත්ත්වය හමුවේ එම ළමා නිවාසයේ දරුවන් එම ස්‌ථානයෙන් ඉවත් කර වෙනත් ආරක්‍ෂිත ළමා නිවාසයකට යොමු කරනවා වෙනුවට එම ළමා නිවාසයේ භාරකාරත්වය හා කළමනාකාරිත්වය චෝදනා ලැබ සිටි පාස්‌ටර්වරයාගේ සොහොයුරියට පවරා දී ඇත.

මෙම පැවරීමට දකුණු පළාත් පරිවාස හා ළමා රක්‍ෂක කොමසාරිස්‌වරිය ගත් පියවරට ප්‍රදේශවාසීන්ගේ දැඩි විරෝධය පළවී තිබේ.

සත්ත්ව ඝාතනයට අමතරව බෞද්ධ දරුවන් අන්‍ය ආගම්වලට බලෙන් හරවා ගැනීමේ චෝදනා ලැබ සිටින මෙම ළමා නිවාසයේ පාලකයාගේ සොහොයුරිය වන මාගරිටා ලාලනි ද පූජකවරියකි. දැනට ළමා නිවාසයේ පාලනයෙන් ඉවත් කරනු ලැබූ පාලකයා ජීවත් වනුයේත් එම ළමා නිවාසයෙහි බව අනාවරණය වේ.

දකුණු පළාත් පරිවාස හා ළමා රක්‍ෂක කොමසාරිස්‌වරිය ගෙන ඇති මෙම ක්‍රියාමාර්ගයට ප්‍රදේශවාසීන් මෙන්ම ප්‍රදේශයේ භික්‍ෂුන් වහන්සේ ඇතුළු ආගමික පූජකවරුන්ද දැඩි අප්‍රසාදය පළ කරති.

මේ පිළිබඳව වහාම සොයා බලා මෙම දරුවන්ගේ ආරක්‍ෂාව සුරක්‍ෂිත කිරීමට සාධාරණ හා පිළිගත හැකි ක්‍රියාමාර්ගයක්‌ ගන්නා ලෙස ප්‍රදේශවාසීහු වගකිවයුත්තන්ගෙන් ඉල්ලා සිටිති.

 

http://www.divaina.com/2013/04/04/news24.html