නඩු අස්සේ ඉලක්ක අත් නොහරින ලක් කතෝලික අන්තවාදය


නඩුවක්‌ පවතින විට තිස්‌ස නිවසේ යළි දරුවන් රැඳවීම ගැටලුවක්‌ ප්‍රදේශවාසීහු කියති කතරගම – කේ. ඩී. දේවප්‍රිය
තිස්‌සමහාරාම අගාපේ ළමා නිවාසයේ පාස්‌ටර්වරයාට එරෙහි ළමයින් කෲරත්වයට පත් කිරීමේ චෝදනා සම්බන්ධව නඩුවක්‌ පවතින අවස්‌ථාවක නැවත ළමයින් ළමා නිවාසයේ රඳවා ඇතැයි ප්‍රදේශවාසීහු චෝදනා කරති.
මෙම ළමා නිවාසයේ සිටි ළමුන් 90 දෙනකු පමණ ජාතික ළමා රක්‍ෂණ අධිකාරිය මගින් රැගෙන ගිය අතර ඔවුන් අතරින් 21 දෙනකු මවුපියවරුන් වෙත පවරා දෙනු ලැබිණි.
රුපියල් ලක්‍ෂයක බැඳුම් ඇපකරයක්‌ මත දරුවන් සිය දෙමාපියන්ට බාර දුන් අතර මේ 21 දෙනා අතරින් ළමයින් 9 දෙනකු නැවත චෝදනා ලත් පාස්‌ටර් වෙත ලබාදී ඇතැයි ප්‍රදේශවාසීහු පවසති. මෙම දරුවන් පාසල් නොයවා අගාපේ ළමා නිවාසයේ රඳවා සිටි අතර දිවා කාලයේදී නිවස තුළටත් රාත්‍රි කාලයේදී එළියටත් පැමිණීමට අවසරය ලබාදී තිබිණි.
මෙම දරුවන් යළි මාධ්‍ය මගින් අනාවරණය කිරීමත් සමග ඊයේ (28 දා) උදෑසන සුදු පැහැති ජීප් රථයකින් ඔවුන් තණමල්විල ප්‍රදේශයේ ළමා නිවාසයකට රැගෙන ගොස්‌ ඇත.
මෙම ළමා නිවාසය පිළිබඳ අදහස්‌ දැක්‌වූ ජාතික ළමා ආරක්‍ෂණ අධිකාරියේ සභාපතිනි නීතිඥ අනෝමා දිසානායක මහත්මිය පැවසුවේ ජාතික ළමා ආරක්‍ෂණ අධිකාරිය ළමුන්ට සිදුවන හිංසනයන් පිළිබඳව ක්‍රියා කරන ආයතනයක්‌ බවත් මෙම ළමා නිවාසය පිළිබඳව වගකීම ඇත්තේ දකුණු පළාත් පරිවාස හා ළමා රක්‍ෂණ දෙපාර්තමේන්තුවට බවත් ය. මේ පිළිබඳව ප්‍රදේශයේ විහාරස්‌ථානවල හිමිවරුන් හා ප්‍රදේශවාසීන් විසින් ක්‍රියාමාර්ගයක්‌ ගත යුතු බව ද ඇය කීවාය.
මෙම ළමා නිවාසයේ නීතිවිරෝධී ලෙස පවත්වාගෙන ගිය ඌරු කොටුව පිළිබඳව තවමත් කිසිදු නීති පියවරක්‌ ගැනීමට තිස්‌සමහාරාම ප්‍රාදේශීය සභාව ක්‍රියා කර නොමැත.
පසුගිය දිනවල සිටි දරුවන් රැසක්‌ මීගමුව හා හලාවත ප්‍රදේශවලට අයත් වූවන් වන අතර කතරගම ඉපදුණු ළමුන් මෙම ළමා නිවාස තුළ නොසිට ඇත.
චෝදනා රැසකට ලක්‌ව සිටින පාස්‌ටර්වරයා කතරගම ප්‍රදේශයේ අලුතින් පිහිටුවා ගෙන ඇති නිවස පල්ලියක්‌ කිරීම සඳහා රහසින් ලියකියවිලි සකස්‌ කරමින් සිsටින බව කතරගම ජනයා පවසති.  

 

http://www.divaina.com/2013/08/29/news13.html

Advertisements

පල්ලියට නැතුවම බැරි නින්දිත මස් කඩ කෙරුවාව නැවත ක්‍රියාත්මක වූ වගයි


තිස්‌ස මස්‌ කඩේ දොර යළි ඇරේ කලින් සිටි ළමයින් ආපසු ගෙන්වා ගනී
තුෂාරී කළුබෝවිල, කේ. ඩී. දේවප්‍රිය – කතරගම


සත්ත්ව ඝාතන සඳහා දරුවන් යොදාගත් බවට ලැබුqණු චෝදනා මත වසා දමන ලද තිස්‌සමහාරාම බෝගහපැලැස්‌ස අගාපේ ළමා නිවාසයේදී යළිත් දරුවන් යොදවමින් සත්ත්ව ඝාතන හා ළමා හිංසන සිදු වන බවට ජාතික ළමා ආරක්‍ෂක අධිකාරියට පැමිණිලි ලැබී තිබේ.
ඒ අනුව වහාම ඒ පිළිබඳ සොයා බැලීමට නිලධාරීන් යෙදවූ බව එම අධිකාරිය පවසයි.

මෙම වසරේ මාර්තු මාසයේදී අධිකාරියට ලැබුණු පැමිණිල්ලකට අනුව අධිකරණ නියෝග මත වැටලීම් සිදුකර අධිකාරිය භාරයට පවරාගත් දරුවන් අතර සිටි දරුවන් 9 දෙනකු ද නැවතත් මෙම ළමා නිවාසයේ සිටින බවට අධිකාරියට තොරතුරු ලැබී තිබේ.
අධිකරණ නියෝග මත එම ළමා නිවාසයේ සිටි දරුවන් 90 දෙනකු අධිකාරිය භාරයට ගත් බවත් පසුව එම දරුවන් දෙමවුපිය, භාරකරුවන් සිටින දරුවන් බව තහවුරු වීමෙන් අනතුරුව එම දෙමවුපිය භාරකරුවන් ගෙන්වා අධිකරණ නියෝග ලබාගනිමින් දරුවන් ඔවුන්ට භාරදීමට ජාතික ළමා ආරක්‍ෂක අධිකාරිය ක්‍රියා කරන ලදී.
ඉන්පසුව දෙමවුපිය භාරයේ සිටින දරුවන්, එම දෙමවුපිය භාරකරුවන්ගේ අනුදැනුම හා පෙළඹවීම මත යළිත් ළමා නිවාසයට ගෙන්වාගෙන සිටින බවත් එම දරුවන් හා තවත් දරුවන් දේව මෙහෙයුම් සඳහා යෑයි ගෙන්වා ගනිමින් දහවල් කාලයේ සත්ත්ව ඝාතන සඳහා යොදවා ගන්නා බවත් අධිකාරිය පවසයි.
මේ සම්බන්ධයෙන් “දිවයින” කළ විමසීමකදී ජාතික ළමා ආරක්‍ෂක අධිකාරියේ බලධාරියෙක්‌ වහාම ඒ පිළිබඳ පරීක්‍ෂණ යළි ආරම්භ කර ඇති බව පැවසීය.
මෙම ළමා නිවාසයේ දරුවන්ට හිංසා සිදුවීම, ගැහැනු දරුවන් ගැබ් ගැනීම වැනි දැ දැනගැනීමත් සමඟ මෙය වසා දමන ලෙසට ප්‍රදේශවාසීන් 2004 වසරේදී ඒ ඉදිරිපිටදී උද්ඝෝෂණයක්‌ පැවැත්වීය.
පසුව 2013 දී හෙළිදරව් වූයේ ළමා නිවාසයට සමගාමීව වසර 8 ක්‌ තිස්‌සේ සත්ත්ව ඝාතකාගාරයක්‌ මෙහි පවත්වාගෙන යන බව ය.
ගබ්සා කිරීම්වලට යොමු වූ ගැහැනු දරුවන් 9 දෙනකු පිළිබඳව ද මෙම ළමා නිවාසයෙන් වාර්තා වී තිබිණි.
රාජ්‍ය ආයතනයක මාසික වැටුපක්‌ ලබන මවුපියවරුන්ගේ දරුවන් ද මෙම නිවසේ සිටින බව හෙළිදරව් වී ඇතැයි ප්‍රදේශවාසීහු පෙන්වා දෙති.
මේ සිද්ධිය පිළිබඳ සොයාබලන මාධ්‍යවේදීන්ට ද මරණ තර්ජන, අපහාස කිරීම්, බොරු පැමිණිලි ආදිය සිදුකරන බව ද වාර්තා වේ.

 

http://www.divaina.com/2013/08/28/news01.html